عرض مشاركة واحدة
قديم 28-08-2010, 07:51 PM   #1
عاشق كل فلسطين
عضو مميز ومهم
 
الصورة الرمزية عاشق كل فلسطين
 
تاريخ التسجيل: 3 / 4 / 2009
الدولة: وطني
الجنس:    
المشاركات: 7,127
معدل تقييم المستوى: 0
عاشق كل فلسطين من أهم أعضاء المنتدىعاشق كل فلسطين من أهم أعضاء المنتدىعاشق كل فلسطين من أهم أعضاء المنتدىعاشق كل فلسطين من أهم أعضاء المنتدىعاشق كل فلسطين من أهم أعضاء المنتدىعاشق كل فلسطين من أهم أعضاء المنتدىعاشق كل فلسطين من أهم أعضاء المنتدىعاشق كل فلسطين من أهم أعضاء المنتدىعاشق كل فلسطين من أهم أعضاء المنتدىعاشق كل فلسطين من أهم أعضاء المنتدىعاشق كل فلسطين من أهم أعضاء المنتدى
Lightbulb طقوس رمضانية أهلا وسهلا بالزوار

بسم الله الرحمن الرحيم
المكان .. مخيم لاجئيين فلسطينيين
الأشخاص
عاشق كل فلسطين
جدته (رحمها الله)
في أحد الرمضانات وأذكر بعد الإفطار كان هناك مسلسل يجمع الكبير والصغير اسمه البواسل أو الكواسر
قالت جدتي
أيام البلاد يا جده ما كان في تلفزيون ولا قهاوي ولا أسواق نروح عليها
قلت معقولة يا جده ولا كيف كنتم تقضووا رمضان
قالت اسمع
جدك الله يرحمه كان يشغل بالزفزف (رمل البحر) ينقله على ظهر الجمال ويوصله للبيوت اللي بدها عمار وكان عنده ماتور مي حوليه خضرا من أروع ما يكون وعنده فرس أصيلة
وقت الإفطار كنا نستنى مدفع رمضان ويؤذن واحد من أهل القرية فوق سطح المسجد لأنه ما كان في سماعات ولا كهربا
كنا نفطر على ضو السراج وتلتم العيلة كلها بغرفة وحدة وأنا كنت كنتهم الجديدة وكان أبوه لجدك مدللني باعتباري العروس
على أيامنا يا جده ما كان في كبريت ولا قداحات ، كانت النار ضل موقدة في الطابون واذا طفت نروح نوخد جذوة نار من أي بيت ، حتى كاسات الشاي وأغراض المطبخ كانت تلف من بيت لبيت ما كان في شي الي وشي الك
كل الأغراض للقرية والطيبة كانت موجودة والحب موجود ، بعد الفطور كانت الناس تتعلل في بيت من البيوت أو ببيت المختار او ببير المي ، يحكوا قصصهم اللي شافوها واللي سمعوها ، واذا كان واحد مسافر على بلاد بعيدة يحكي عنها وعن شو شاف فيها
ملابس العيد كنا نخيطها على ايدينا ونطرز للبنات ثوابهن والرجال يلبسوا الدمايات والشماغ ، وكان عيب يطلع الرجل بدون الشماغ ومن الغريب نشوف رجل ببلوزة وبنطلون
يتبع عن طقوس رمضان في مخميات الشتات

عاشق كل فلسطين غير متواجد حالياً